Երեւան: Մեդիամաքս: Մեդիամաքս-ը «Գրքերի տաղավար» խորագրում ներկայացնում է Հայաստանում լույս տեսած նոր գրքերը:
Հրատարակված գրքերին վերաբերող տեղեկատվությունը տրամադրվում է հրատարակչությունների եւ հեղինակների կողմից:
Վրեժ Իսրայելյան. «Վաղ թե ուշ»
Հրատարակչությունը` «Լուսակն»
Ծավալը` 464 էջ
Չափը` 70 x100 սմ
Կազմը` կոշտ
Տպագրությունը` օֆսեթ
Որտեղ գնել` «Գրքերի աշխարհ», «Հայ գիրք» եւ «Գրատուն» գրախանութներում
Ժողովածուում ամփոփված են գրողի լավագույն եւ անտիպ ստեղծագործությունները` պատմվածքները եւ պիեսները:
Լուիս Քերոլ. «Ալիսը հրաշքների աշխարհում»
Հրատարակչությունը` Զանգակ
Ծավալը` 184 էջ
Չափը` 12.5 x 20 սմ
Կազմը` փափուկ
Տպագրությունը` օֆսեթ
Որտեղ գնել` Երեւանի բոլոր գրախանութներում
Լուիս Քերոլը՝ մի ամաչկոտ, կակազող մաթեմատիկոս Օքսֆորդի համալսարանի Քրայսթ Չըրչ քոլեջից, հորինեց պատմություն մի փոքրիկ աղջկա մասին, ով գլորվում ընկնում է Ճագարի բույնը. այդպես են սկսվում Ալիսի անմահ արկածները: Հեքիաթի անսովոր մթնոլորտն ու արտասովոր հերոսները հրապուրել են եւ՛ ճշգրիտ, եւ՛ հումանիտար գիտությունների ոլորտի մարդկանց, ովքեր ըստ իրենց են մեկնաբանել Ալիսի յուրաքանչյուր քայլը, արկածը, խոսքը:
Զոյա Փիրզարդ. «Ինչպես բոլոր երեկոները»
Հրատարակչությունը` Էդիթ Պրինտ
Ծավալը` 164 էջ
Չափը` 13,5 X 20 սմ
Կազմը` փափուկ
Տպագրությունը` սեւ սպիտակ
Որտեղ գնել` Երեւանի բոլոր գրախանութներում
Արձակագիր եւ թարգմանիչ Զոյա Փիրզադը կյանքի իմաստը փնտրում է մարդկային առօրյա հարաբերություններում, առտնին հոգսերում եւ ուրախություններում... Նա փորձում է շրջապատող աշխարհը ճանաչել չնչին ու աննշմարելի թվացող մանրուքների մեջ... Նրան համարում են մանրամասնի, պարզության, կանացի նուրբ հոգեբանության մեծ վարպետ: Գրականություն է բերել իրականությունը պատկերելու նոր լեզու, նոր խոսք, նոր թեմատիկա, պատկերավորման նոր միջոցներ, պատումի կառուցման նոր ձեւ ու եղանակ:
Փիրզադը առաջիններից մեկը իրանական ժամանակակից գրականությունը դուրս բերեց երկրի սահմաններից ու ճանաչելի դարձրեց աշխարհին:
Սարգիս Դարչինյան. «Թիֆլիս. Հայկական ճեպանկարներ»
Հրատարակչությունը` Էդիթ Պրինտ
Ծավալը` 176 էջ
Չափը` 14,5 X 20 սմ
Կազմը` փափուկ
Տպագրությունը` գունավոր
Որտեղ գնել` Երեւանի բոլոր գրախանութներում
Գիրքը ներկայացնում է Թիֆլիսի հայկական իրականությունը ամենատարբեր դրսեւորումներով՝ հայերի կառուցած թաղամասերով ու տներով, արվեստի օջախներով ու խանութներով: Առանձին պատումների կենտրոնական դեմքը հայ աշխատավոր մարդն է, գրողը, արվեստագետը, վաճառականը եւ բոլոր նրանք, ովքեր պատկերում էին Թիֆլիսի հայկական դիմագիծը: Հեղինակի պատումները շատ խոր ասելիք ու նուրբ ենթատեքստեր ունեն:
Էդուարդ Խաչիկյան. ''Обещание черного ангела''
Հրատարակչությունը` Էդիթ Պրինտ
Ծավալը` 288 էջ
Չափը` 14,5 X 20 սմ
Կազմը` փափուկ
Տպագրությունը` սեւ սպիտակ
Որտեղ գնել` Երեւանի բոլոր գրախանութներում
Վեպը անմահ ոգու վաճառքի մասին է, ոգի, որը երկնային մեծագույն պարգեւ է, որը չի կարող առեւտրի առարկա լինել, քանի որ մեր ամբողջ կյանքը` իրական թե թվացյալ, լցված է միստիկ ոգով, քանի որ մարդկությունը դեռեւս փնտրում է այն հարցի պատասխանը, թե որտեղից ենք մենք գալիս, ուր ենք գնում եւ ինչ ուժեր են մեզ ուղեկցում մեր ողջ գիտակցական կյանքի ընթացքում:
Էդուարդ Խաչիկյան. Ղեբուբան կամ արքայի գործակալը
Հրատարակչությունը` Էդիթ Պրինտ
Ծավալը` 374 էջ
Չափը` 14,5 X 20 սմ
Կազմը` փափուկ
Տպագրությունը` սեւ սպիտակ
Որտեղ գնել` Երեւանի բոլոր գրախանութներում
«Ղեբուբան կամ արքայի գործակալը» վեպն ընդգրկում է Եդեսիայի առաջին քրիստոնյա արքա Աբգարի եւ Հայաստանում Արշակունյաց գահատոհմի հիմնադիր Տրդատ Ա-ի գործունեության ժամանակաշրջանը՝ ինչպես Հայոց աշխարհը կարողացավ անձնվեր հայրենասերների շնորհիվ փաստացի անկախանալ Հռոմից:
Վեպն առանձնանում է հետաքրքիր, ուրույն պատումով, դեպքերի զարգացման կլանիչ հետաքրքրությամբ: Պատմավեպի գլխավոր հերոսներից մեկը՝ Ղեբուբան, սովորական բուժակից աճում, դառնում է թագավորի գաղտնի գործակալության ղեկավար-նախարար՝ մեծ ներդրում ունենալով երկրի կայացման, դավադրությունների բացահայտման ու անկախության գործում
«Գրքերի տաղավար» խորագրի հետ համագործակցել ցանկացող հրատարակիչները կարող են զանգահարել Մեդիամաքսի աշխատակից Եկատերինա Պողոսյանին ՝ 010 54 54 31:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: