exclusive
4556 դիտում

Թալիշը` գյուղից դեպի դիրք


Թալիշը
Թալիշը

Լուսանկարը` Մեդիամաքս

Թալիշում
Թալիշում

Լուսանկարը` Մեդիամաքս

Լեւոն Ապրեսյանը
Լեւոն Ապրեսյանը

Լուսանկարը` Մեդիամաքս

Թալիշը
Թալիշը

Լուսանկարը` Մեդիամաքս

Առջեւում հակառակորդի դիրքերն են
Առջեւում հակառակորդի դիրքերն են

Լուսանկարը` Մեդիամաքս

Դիրքապահը
Դիրքապահը

Լուսանկարը` Մեդիամաքս

Դիրքի ավագը ճաշ է պատրաստում
Դիրքի ավագը ճաշ է պատրաստում

Լուսանկարը` Մեդիամաքս

Լուսանկարը` Մեդիամաքս

Թալիշում
Թալիշում

Լուսանկարը` Մեդիամաքս

Լուսանկարը` Մեդիամաքս

Դիրքապահ շունը
Դիրքապահ շունը

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս

Լուսանկարը` Մեդիամաքս


Մատաղիսից Թալիշ տանող շուրջ 10 կմ ճանապարհի մի մասն անցնում ենք խրամուղով: Սովորականից ավելի երկար թվացող ճանապարհը, ասում են, այսպես անվտանգ է դարձել:

Թալիշում լռություն է, որն ընդամենը վայրկյաններ է տեւում. հետո աղմուկ-աղաղակով ուշադրությունդ գրավում են ապրիլյան պատերազմի վերքերն ու ավերված տներըˋամեն մեկն իր խորհրդավոր պատմությամբ, անշունչ կենդանությամբ…

Գյուղի կենտրոնում շինարարություն է: Վերակառուցում են գյուղապետարանի շենքը, քիչ այն կողմˋ հանդիսությունների նոր սրահ կառուցում:

Թալիշում Թալիշում

Լուսանկարը` Մեդիամաքս


Մի քանի դուռ թակելուց հետո, վերջապես, մեկը բացվում է.

-Լրագրող ե՞ք: Ապրեսյանենց տուն գնացեք, ինքն ու կինը տանն են,- անգիրի պես ու առանց պատասխանի սպասելու ասում է ճերմակ մորուքով տղամարդը, ինձ ցույց տալիս Ապրեսյանի տան տեղըˋ ընթացքում լրացնելով, որ ինքը խոսել չի կարող.

- Վերականգնման ծրագրին տեղյակ չեմ, չեմ էլ ուզում իմանամ: Իմ տունը սա է, ես Թալիշը չեմ թողել ապրիլին, չեմ թողելու նաեւ հիմա…
Թալիշում Թալիշում

Լուսանկարը` Մեդիամաքս


ԼՂՀ Նախագահի հրամանով Լեւոն Ապրեսյանը հանդիսանում է Թալիշի վերականգնողական ու վերաբնակեցման ծրագրիˋ կառավարության լիազոր ներկայացուցիչը:

Ապրեսյանների տան դռան զանգն եմ սեղմում ու սպասում, բայց բացող չկա: Մի քանի քայլ հետ գնալուց հետո հիշում եմ Թալիշից չհեռացած տղամարդու ասածըˋ «ձեզ սուրճ կհյուրասիրեի, բայց լույս չունենք»: Հետ եմ գնում ու թակում եմ դուռը:

Ապրեսյանը բացում է: Տանն ինքն ու կինն են: Սկսում է պատմել Թալիշի վերականգնման ծրագրի մասինˋ գլխավոր հատակագիծը պատրաստ է: Ընտրվել է անվտանգ ու անտեսանելի մի հատված, որտեղ հին տները պետք է քանդվեն, ավերակները վերացվեն ու նոր տներ կառուցվեն:
Լեւոն Ապրեսյանը Լեւոն Ապրեսյանը

Լուսանկարը` Մեդիամաքս


«Ծրագրի առաջին փուլով նախատեսվում է 50 տուն կառուցել: Բոլորը կլինեն միանման ու, որ ամենակարեւորն է, նկուղային հատվածում կունենան ապաստարան, որը կկրկնօրինակի առաջին հարկի կառուցվածքը:

Երկրորդ փուլով տների թիվը կհասցվի 120-ի՝նախքան ապրիլյան պատերազմը Թալիշում 120 ընտանիք է բնակվել»,-պատմում է Ապրեսյանն ու հավելումˋտներն իրենց կահույքով ու ապրելու պատրաստ վիճակով, որպես փոխհատուցում, կտրվեն թալիշցիներին, իսկ շինարարության առաջին փուլի ավարտից հետո կսկսի վերաբնակեցման փուլային ծրագիրը:

«Գործընթացն արդեն մեկնարկել է: Հիմա համակարգվում են շինանյութի տեսակների ընտրության, ֆինանսական ու կազմակերպչական այլ հարցերը, ինչին կհաջորդի շինարարության մեկնարկը: Նախատեսվում է ստեղծել նոր թաղամաս, որտեղ անցյալի ավերակներից հետքեր չեն մնա»:

Խոսելով Թալիշի անվտանգության մասին, Լեւոն Ապրեսյանը նշում է, որ, խախտումներ հիմնականում լինում են դիրքերի ուղղությամբ, իսկ գյուղում համեմատաբար խաղաղ է. ուշագրավ դեպքը, որ արձանագրվել է 2016-ի ապրիլի հետո, այս տարվա փետրվարի 24-25 հրետակոծությունն է եղել:
Թալիշը Թալիշը

Լուսանկարը` Մեդիամաքս


«Թալիշի վերականգնումն ու բնակեցումը խիստ անհրաժեշտ է: Որպես զինվորական եմ ասումˋ շատ կարեւոր է, որ դիրքում կանգնած զինվորը հետ նայելուց թիկունքում իր ապրող գյուղն ու բնակչին տեսնի»,- եզրափակում է Լեւոն Ապրեսյանը:

«Թալիշում ծառայելը պատիվ է…»

Խրամուղիներով ու նորաբաց ճանապարհներով գնում ենք դիրքեր: Ինչպես միշտ, առաջին դիմավորողը դիրքապահ շունն է, որը հոտոտելուց ու ներս թողելուց հետո էլ ոչ մի րոպե աչքը չի կտրում հյուրերից:
Դիրքապահ շունը Դիրքապահ շունը

Լուսանկարը` Մեդիամաքս


Դիրքի ավագն ուղեկցում կացարան: Տղաների մի մասը, ֆոտոխցիկը տեսնելուց հետո, փորձում են անհետանալ իմ տեսադաշտիցˋ հարցազրույց տալու «բարդ ու անցանկալի» գործը թողելով սերժանտ Հովհաննիսյանին:
Առջեւում հակառակորդի դիրքերն են Առջեւում հակառակորդի դիրքերն են

Լուսանկարը` Մեդիամաքս


Կրտսեր սերժանտ Հովհաննիսյանն իննը ամսի էˋ ծառայության մեջ է: Ասում էˋ այս ամիսների ընթացքում մի բանում համոզվեցˋ բանակում ծառայելն անհրաժեշտ է յուրաքանչյուր տղայի համար:

«Շատ բան է փոխվում մտածելակերպում, ավելի հասուն ու պատասխանատու ես դառնում  ինքդ քո ու շրջապատիդ նկատմամբ: Հատկապես սահման պահելու ընթացքում ես հասկանում, որն է իրական ծառայությունը, պատասխանատվության անբացատրելի զգացում կա, որը մեզ չի լքում», - ասում է  կրտսեր սերժանտը:
Դիրքապահը Դիրքապահը

Լուսանկարը` Մեդիամաքս


Ծառայության բարդությունների մասին հարցը միանգամից ընդհատում է. «Տեսանելիության սարքերի շնորհիվ ˋ հիմա մեր աշխատանքը շատ է հեշտացել: Ամեն ինչ հանգիստ է անցնում, ճիշտ է, հակառակորդը խախտումներ անում է, բայց պետք եղած դեպքում իրեն արժանի պատասխանն է ստանում»:

Մինչ տղաները մարտական հերթապահություն են իրականացնում, դիրքի ավագը ճաշ է պատրաստում:

Ծառայակցի ընկերները նկատում ենˋ «միայն համով ճաշեր չի, որ պատրասում է. անցած տարի պատերազմին է մասնակցել»:

Ավագը լուռ շարունակում է գործը: Սպասում եմ, թե կխոսի: Կիսաեփ ճաշը խառնում է, փակում կաթսան ու կարճ պատասխան տալիս.

«Թալիշում ծառայելը պատիվ է…»:
Դիրքի ավագը ճաշ է պատրաստում Դիրքի ավագը ճաշ է պատրաստում

Լուսանկարը` Մեդիամաքս


Հասկանում եմˋ պատերազմից խոսել չի ուզում, բայց պատմում է ծառայության ընթացքում ստացած դասերի ու դրանց կարեւորության մասինˋ ոչ մի րոպե չմոռանալով, որ ընկերը շուտով կհանձնի հերթափոխն ու կգա ճաշելու:

Ճաշի ամեն մի բաղադրիչ ձեռքը վերցնելիս հիշում է իր մոր, դիրքապահ ընկերների մայրերի խոհարարական խորհուրդներըˋ բոլորից եկած սերը, ջերմությունն ու կարոտը միախանում մի կաթսայում. իսկ ճաշի ժամին ամենքի միտքն իր տուն է հասնում… 

Տեքստը եւ լուսանկարներըˋ Սիրանուշ Եղիազարյանի

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am