88613 դիտում

ԵՄ-ն չպետք է կուրորեն վստահի Էրդողանին, ասել է Սարգսյանը


ՀՀ նախագահ Սերժ Սարգսյանը
ՀՀ նախագահ Սերժ Սարգսյանը

Լուսանկարը` REUTERS


Երեւան: Մեդիամաքս: ՀՀ նախագահ Սերժ Սարգսյանն ասել է, որ Եվրամիությունը չպետք է կուրորեն հավատա Էրդողանին փախստականների ճգնաժամի լուծման հարցում, այլ պետք է գտնի խնդրի լուծման սեփական լուծումները:

Ինչպես հաղորդում է Deutsche Welle –ն, Սերժ Սարգսյանն այս մասին ասել է գերմանական Bild պարբերականին տված հարցազրույցում:

ՀՀ նախագահը նշել է, որ հունիսի 2-ին Բունդեսթագում նախատեսված Հայոց ցեղասպանության ճանաչման բանաձեւի քվեարկությունը պետք չէ կապել Թուրքիայի եւ ԵՄ-ի միջեւ փախստականների հարցով համաձայնության հնարավոր տապալման հետ:

Սերժ Սարգսյանի կարծիքով՝ «այդ համաձայնությունը (փախստականների մասին-խմբ) շատ փխրուն հիմքերի վրա է, իսկ Թուրքիայի նման գործընկերոջ հետ այն բարդ կլինի իրագործել երկարաժամկետ հեռանկարում»:

«Միանգամայն հստակ է, որ փախստականների հարցով համաձայնության հնարավոր անհաջողությունը որեւէ ընդհանուր բան չունի Հայոց ցեղասպանության ճանաչման բանաձեւի ընդունման հետ»,- ասել է Սերժ Սարգսյանը:

Հարցին, թե կարո՞ղ է արդյոք ԵՄ-ն վստահել Թուրքիային, Սարգսյանը պատասխանել է, որ չի կարող խոսել ԵՄ-ի անունից, բայց կարող է սեփական փորձից ասել՝ «ո՛չ, մենք չենք վստահում Էրդողանին»:

Սերժ Սարգսյանի խոսքով՝ հենց Էրդողանն էր Թուրքիայի խորհրդարանում արգելափակել հայ-թուրքական արձանագրությունների վավերացումը:    

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am