Երեւան: Մեդիամաքս: Հավաքական անվտանգության պայմանագրի կազմակերպության (ՀԱՊԿ) շրջանակում ՌԴ-ում անցկացվող օպերատիվ արձագանքման հավաքական ուժերի «Փոխգործակցություն 2015» զորավարժության վերջին փուլը կանցկացվի օգոստոսի 28-ին:
Ինչպես հաղորդում են ՀՀ ՊՆ լրատվական ծառայությունից, հայկական ստորաբաժանումը զորավարժությանը մասնակցելու նպատակով օգոստոսի 22-ից Պսկովում է:
Վերջին փուլի ժամանակ կանցկացվի ՀԱՊԿ անդամ երկրների ԶՈՒ զինծառայողներին ճգնաժամային պայմաններում առավել արդյունավետ գործելու, համընդհանուր սպառնալիքների դիմագրավմանը միասնաբար հանդես գալու հնարավորություն ընձեռող, ինչպես նաեւ տարբեր ստորաբաժանումների միջեւ փոխգործակցության ապահովմանը միտված վարժություններ:
«Փոխգործակցություն 2015» զորավարժությանը մասնակցում են մինչեւ 2000 զինծառայողներ, 200 միավոր ավտոմոբիլային եւ զրահատանկային տեխնիկա, ինչպես նաեւ շուրջ 40 միավոր ավիացիա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: