Երեւան: Մեդիամաքս: ՀՀ պաշտպանության նախարարությունը պարտադիր ժամկետային զինծառայություն անցած անձանց ՊՆ Վազգեն Սարգսյանի անվան ռազմական համալսարանում առաջարկում է 2 ամիս տեւողությամբ արագացված վերապատրաստման դասընթացներ, որոնց ավարտից հետո կտրվի ուսումը համալսարանի 2-րդ կուրսից շարունակելու հնարավորություն:
ՊՆ-ում նշել են, որ ծրագիրը մեկնարկելու է հուլիսի 3-ից:
Դիմել կարող են պարտադիր ժամկետային զինծառայություն անցած մինչեւ 23 տարեկան քաղաքացիները՝ իրենց տարածքային զինվորական կոմիսարիատներում համապատասխան դիմում ներկայացնելու միջոցով:
Դեռեւս պարտադիր ժամկետային զինծառայության մեջ գտնվողները, որոնք ենթակա են զորացրման ամառային զորակոչի շրջանակում, կարող են դիմել իրենց զորամասերի հրամանատարությանը:
Դիմումների ընդունման վերջնաժամկետն հունիսի 26-ն է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: