Երեւան: Մեդիամաքս: Ոստիկանությունն այսօր տեղեկացրել է, որ արագաչափերն ու տեսանկարահանող սարքերը շարունակում են գործել:
«Վերջին օրերի որոշ հայտարարությունների թյուրըմբռնման պատճառով, հանրության մեջ կարծիք է ձեւավորվել, թե հանրապետության ճանապարհների արագաչափ եւ տեսանկարահանող սարքերը չեն գործում ու չեն արձանագրում ճանապարհային երթեւեկության կանոնների խախտումները:
Արագաչափերն ու տեսանկարահանող սարքերը շարունակում են գործել:
ՀՀ վարչապետի հանձնարարականի համաձայն` ոստիկանությունում մշակվում են համալիր միջոցառումներ` ոլորտում էական փոփոխություններ կատարելու ուղղությամբ, որոնք արդարադատության նախարարության հետ համաձայնեցնելուց հետո կարճ ժամկետում կներկայացվեն հանրությանը:
Ոստիկանությունը երթեւեկության մասնակիցներին կոչ է անում խստորեն պահպանել երթեւեկության կանոնները. դա օրենքի պահանջն է եւ բոլորիս անվտանգության ապահովման նպատակ է հետապնդում», - ասված է ոստիկանության պարզաբանման մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: