Երեւան: Մեդիամաքս: Առաջին ալիքն այսօր տեղեկացրել է, որ ՀՀ պաշտպանության նախարարության հետ համատեղ կներկայացնի «Հատուկ ջոկատ» ռազմահայրենասիրական նախագիծը:
Նախագծի քասթինգի փուլը հաղթահարած մասնակիցները կկազմեն երկու մրցութային թիմ եւ կմասնակցեն Հայաստանի տարբեր մարզերում գտնվող զորամասերում իրականացվող նկարահանումներին: Մեկ ամիս շարունակ թիմերը կկատարեն հատուկ առաջադրանքներ՝ հաղթահարելով ռազմական հմտություններ պահանջող արգելքներ, զինվորական վարժանքներ:
«Հատուկ ջոկատ» նախագծի քասթինգին կարող են մասնակցել 18-45 տարեկան ՀՀ քաղաքացիները:
Մասնակցության հայտն անհրաժեշտ է ուղարկել hatukjokat@1tv.am հասցեին՝ հայտում նշելով անձնական ու կոնտակտային տվյալները եւ 2-3 լուսանկար:
Մանրամասների համար կարող եք զանգահարել (+374) 91 650061 հեռախոսահամարով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: