Երեւան: Մեդիամաքս: Պաշտպանական ոլորտում հայ-գերմանական համագործակցությունը բարձր մակարդակի վրա է գտնվում:
Այդպիսի գնահատական է տվել ՀՀ պաշտպանության նախարար Դավիթ Տոնոյանը՝ սեպտեմբերի 19-ին ընդունելով Հայաստանում Գերմանիայի դեսպան Մաթիաս Քիսլերին եւ ռազմական կցորդ Լուց-Միխաել Քրիստոֆ Լորենցենին:
Նախարարն ասել է, որ համագործակցությունն իրականացվում է մի քանի ձեւաչափով. փորձի փոխանակում, ռազմական կրթություն, համատեղ մասնակցություն Աֆղանստանում իրականցվող ՆԱՏՕ-ի առաքելությանը:
Մաթիաս Քիսլերը եւս բարձր է գնահատել համագործակցության ներկա մակարդակը, նշելով, որ գերմանական կողմը պատրաստ է շարունակել զարգացնել արդյունավետ փոխգործակցությունը:
Հանդիպման ավարտին Մաթիաս Քիսլերը ՀՀ ՊՆ Խաղաղապահ ուժերի բրիգադի փոխգնդապետ Խաչատուր Սահակյանին հանձնել է «Բունդեսվերի ծառայությունների համար» մեդալ:
Խաչատուր Սահակյանը 2017 թվականին զբաղեցրել է «Վճռական աջակցություն» առաքելության ԳԴՀ հրամանատարության կազմում Քաբուլում առաքելություն իրականացնող հայկական զորախմբի հրամանատարի պաշտոնը եւ պարգեւատրվել է գերմանական ուժերի հետ արդյունավետ համագործակցության համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: