Երեւան: Մեդիամաքս: ՀՀ պաշտպանության նախարարությունում այսօր ամփոփվել են 2018թ. ամառային զորակոչի նախնական արդյունքները:
ՊՆ մամուլի ծառայության փոխանցմամբ՝ ՀՀ զինվորական կոմիսար Հենրիկ Մուրադյանը ներկայացրել է իրականացված աշխատանքները, ամառային զորակոչի կազմակերպման եւ անցկացման ընթացքում ի հայտ եկած խնդիրները եւ դրանց լուծման ուղղությամբ ձեռնարկվող քայլերը:
Անդրադարձ է կատարվել տարածքային զինկոմիսարիատների եւ բուժհանձնաժողովների աշխատանքներին, զորակոչիկների բժշկական փորձաքննությունների եւ բուժհետազոտությունների ոլորտում առկա խնդիրներին: Ներկայացվել են համապատասխան առաջարկություններ:
ՀՀ պաշտպանության նախարար Դավիթ Տոնոյանը հանձնարարականներ է տվել բարձրաձայնված հարցերի եւ առաջարկների կապակցությամբ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: