Երեւան: Մեդիամաքս: ՊՆ Վազգեն Սարգսյանի անվան զորամասի հրետանային ստորաբաժանումները հոկտեմբերի 17-18-ը մասնակցել են մարտական կրակով մարտավարական զորավարժությունների:
ՊՆ հաղորդագրության համաձայն՝ զորավարժությունների նպատակն էր կատարելագործել կրտսեր հրամանատարական կազմի պարտականությունների կատարման մակարդակը, ստուգել եւ կատարելագործել դիվիզիոնների հրամանատարական կազմի ունակությունները եւ վարպետությունը կրակի վարման ու կառավարման ընթացքում:
Ամփոփելով զորավարժությունների արդյունքները՝ 5-րդ զորամիավորման հրամանատարը նշել է, որ արդյունքները գնահատվել են «լավ» եւ «գերազանց», իսկ հրետանային ստորաբաժանումների կրակի վարման եւ կառավարման ընթացքը ցույց է տվել, որ հրետանային ստորաբաժանումները պատրաստ են կատարել ցանկացած բարդության խնդիրներ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: