Երեւան: Մեդիամաքս: «Այբ» կրթական հիմնադրամի նախաձեռնությամբ մեկնարկել է «Մեղու. հայերենը բոլորի համար» մրցույթը:

«Մեղու. հայերենը բոլորի համար» մրցույթը կանցկացվի հոկտեմբերի 30-ին: Մրցույթին կարող են մասնակցել 3-12-րդ դասարանների բոլոր հետաքրքրված աշակերտները:

Մրցութային փաթեթ-հրավերներն արդեն ուղարկվել են Հայաստանի եւ Արցախի 1224 դպրոցներին: Փաթեթներն ընդգրկում են դպրոցի մասնակցության հայտը, անցկացման մանրամասն կարգը եւայլ անհրաժեշտ նյութեր:

Աշակերտների մասնակցության վճարումը կատարելու եւ դպրոցի ցանկում գրանցվելու վերջնաժամկետը սեպտեմբերի 30-ն է, դպրոցի հայտի ներկայացման վերջնաժամկետը՝ հոկտեմբերի 3-ը:

Մանրամասների համար այցելեք ՝ www.meghu.am կայքէջը:

2009 թ.-ից «Այբ» կրթական հիմնադրամը Հայաստանում եւ Արցախում կազմակերպում եւ անցկացնում է «Կենգուրու» եւ «Ռուսական արջուկ» դպրոցական միջազգային մրցույթները: