Երեւան: Մեդիամաքս: Գերմանիայի Սաքսոնիա-Անհալթ երկրամասի կրթության նախարար Մարկո Թուլներն այսօր ասել է, որ Գերմանիայի կառավարությունը պատրաստակամ է շարունակել Հայաստանում կրթական ծրագրերի աջակցությունը։
Այս մասին նա ասել է կրթության եւ գիտության նախարար Լեւոն Մկրտչյանի հետ հանդիպմանը։
Գերմանացի նախարարը նշել է, որ Բեռլինը կարեւորում է Հայաստանում գերմաներեն լեզվի տարածումն ու զարգացումը ինչպես հանրակրթության, այնպես էլ միջին մասնագիտական կրթության ասպարեզում:
Լեւոն Մկրտչյանն էլ ընդգծել է, որ Հայաստանում գերմաներենի զարգացման եւ տարածման տեսանկյունից լուրջ գործունեություն է ծավալում Գերմանական ակադեմիական փոխանակման ծառայությունը (DAAD), որի կրթաթոշակային ծրագրերը, նախարարի խոսքով, մեծ հետաքրքրություն, շահագրգռվածություն են առաջացնում հայ երիտասարդների շրջանում:
Լեւոն Մկրտչյանը կարեւորել է նաեւ Գյոթեի ինստիտուտի ներկայացուցչության գործունեությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: