Երեւան: Մեդիամաքս: ՀՀ կրթության եւ գիտության նախարար Լեւոն Մկրտչյանն այսօր ընդունել է «Կոնրադ Ադենաուեր» հիմնադրամի Եվրոպայի եւ Հյուսիսային Ամերիկայի եվրոպական եւ միջազգային համագործակցության բաժնի ղեկավար Լարս Հենսելին եւ «Քաղաքական երկխոսություն Հարավային Կովկաս» տարածաշրջանային ծրագրի ղեկավար Թոմաս Շրափելին:
ԿԳՆ-ի տարածած հաղորդագրության համաձայն՝ Լեւոն Մկրտչյանը կարեւորել է հիմնադրամի հետ համատեղ իրականացվող կրթական ծրագրերը՝ շեշտելով, որ հիմնադրամի կողմից կարեւորվող քաղաքացիական կրթությունը առաջնահերթություն է Հայաստանի համար:
«Մենք համոզված ենք, որ Հայաստանի զարգացման միակ ճանապարհը ժողովրդավարության կայացումն է. սա մեզ համար պատմականորեն ձեւավորված քաղաքական եւ քաղաքակրթական համոզմունք է»,- ասել է նախարարը:
Լարս Հենսելն էլ շեշտել է, որ իրենք Հայաստանը դիտարկում են տարածաշրջանի կարեւոր գործընկեր եւ պատրաստ են աջակցել եվրոպական կրթական չափանիշների, քաղաքական եւ քաղաքացիական կրթության զարգացմանը նպաստող նախագծերի իրագործմանը:
«Կոնրադ Ադենաուեր» հիմնադրամը Հայաստանում ներկայացված է 2008-ից եւ նպատակ ունի նպաստել Հայաստանում ժողովրդավարության զարգացմանը: Հիմնադրամի եւ ԿԳՆ-ի միջեւ կնքված հուշագրի համաձայն՝ նախատեսվում է ավագ դպրոցներում դասավանդվող «Հասարակագիտություն» առարկայի կատարելագործում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: