Երեւան: Մեդիամաքս: ՀՀ կրթության եւ գիտության նախարար Լեւոն Մկրտչյանն այսօր ընդունել է Բեյրութի Հայկազյան համալսարանի նախագահ Փոլ Հայդոսթյանին եւ Բեյրութի հայկական սփյուռքի ուսումնասիրության կենտրոնի տնօրեն Անդրանիկ Տագեսյանին:
ԿԳՆ փոխանցմամբ՝ նախարարը կարեւորել է Հայկազյան համալսարանի եւ Հայաստանի կրթական ու գիտական հաստատությունների միջեւ արդեն իսկ գոյություն ունեցող փոխգործակցության ամրապնդմանն ու հետագա զարգացմանն ուղղված գործնական քայլերի իրականացումը:
Այդ համատեքստում զրուցակիցներն անդրադարձել են Հայաստանում նախատեսվող հայագիտական դպրոցի հիմնադրման աշխատանքներում Սփյուռքի ներգրավմանը:
Փոլ Հայդոսթյանն էլ նշել է, որ Սփյուռքում հետեւում են Հայաստանի կրթական համակարգում տեղի ունեցող բարեփոխումներին եւ պատրաստակամ են իրենց գիտելիքները ի նպաստ բերել հայագիտական կրթական կենտրոնի հիմնադրմանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: