Երեւան: Մեդիամաքս: Երեւանի քաղաքապետարանը եւ Հայաստանի ազգային կինոկենտրոնը հայտարարում են «Իմ Երեւանը» խորագրով 7-15 րոպե տեւողությամբ խաղարկային կարճամետրաժ ֆիլմերի մրցույթ:
Երեւանի հիմնադրման 2800-ամյակին նվիրված մրցույթին կարող են մասնակցել բուհերի եւ միջին մասնագիտական ուսումնական հաստատությունների ուսանողները: Ֆիլմերը կարող են նկարահանվել ինչպես պրոֆեսիոնալ, այնպես էլ՝ սիրողական նկարահանող սարքերով:
Առաջին մրցանակը սահմանված է 1 000 000 դրամ, երկրորդը՝ 500 000 դրամ, երրորդը՝ 300 000 դրամ:
Ներկայացված լավագույն ֆիլմերից ստեղծվելու է «Իմ Երեւանը» ֆիլմաշար եւ ներկայացվելու է հանրությանը:
Ֆիլմերն ընդունվելու են մինչեւ հուլիսի 15-ը: Ներկայացված աշխատանքները ժյուրին կամփոփի մինչեւ սեպտեմբերի 1-ը:
Մրցույթի գլխավոր մրցանակակրին կտրվի Հայաստանի ազգային կինոկենտրոնի միջոցներով 2019թ. դեբյուտային խաղարկային կարճամետրաժ ֆիլմ նկարահանելու հնարավորություն:
Աշխատանքներն անհրաժեշտ է ներկայացնել Հայաստանի ազգային կինոկենտրոն՝ ք. Երեւան, Աշտարակի խճուղի 30, խմբագրական բաժին՝ ցանկացած թվային կրիչով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: