ԱՄՆ դեսպան. Ընտրություններում նկատվել են «դրական ազդանշաններ»

Երեքշաբթի 14 Փետրվար 2012 13:52

Photo: PanArmenian Photo

Ջոն Հեֆերն

Երեւան: Մեդիամաքս: ՀՀ-ում ԱՄՆ դեսպան Ջոն Հեֆերն այսօր ասել է, որ փետրվարի 12-ի տեղական ինքնակառավարման մարմինների ընտրություններում նկատվել են «որոշակի դրական ազդանշաններ»:

Մեդիամաքսի թղթակցի հետ հարցազրույցում նա ասել է, որ Հրազդանում «նկատվել է ուժեղ քաղաքական քարոզարշավ եւ մրցակցություն, քանի որ այնտեղ առաջադրվել էին երկու ուժեղ թեկնածուներ»:

«Մենք ակնկալում ենք իրական քաղաքական մրցակցություն տեսնել նաեւ մայիսին կայանալիք խորհրդարանական ընտրությունների ժամանակ», - ասել է դեսպանը:

Նա Մեդիամաքսին հայտնել է, որ անձամբ է հետեւել Հրազդանում կայացած ընտրություններին, զրուցել երկու կողմերի, ԿԸՀ ներկայացուցիչների եւ մի շարք դիտորդների հետ:

«Ուրախ էի տեսնելու, որ ընտրատեղամասերը կարգին վիճակում են: Երկու կողմերն էլ հաստատել են, որ ընտրական գործընթացները թափանցիկ են եղել», - ասել է ամերիկացի դիվանագետը:

Պատասխանելով Մեդիամաքս-ի այն հարցին, որ ՀՀ ԿԸՀ-ն հրաժարվել էր ԱՄՆ-ի դեսպանատան աշխատակիցներին Հրազդանում կայացած ընտրություններում դիտորդի կարգավիճակ տալ, Ջոն Հեֆերնը նշել է, որ «շատ մտահոգված չէ այդ հանգամանքով, իսկ աշխատանքը կշարունակվի մայիսին կայանալիք խորհրդարանական եւ 2013-ին կայանալիք նախագահական ընտրություններին»:

«Միջազգային հանրությունը հետաքրքրված է Հայաստանում ժողովրդավարության ամրապնդմամբ: Մենք աշխատում ենք ԿԸՀ-ի, կուսակցությունների, քաղաքացիական հասարակության եւ ԶԼՄ-ների հետ համատեղ, որպեսզի այս ընտրություններն անցնեն ազատ եւ արդար», - ասել է Ջոն Հեֆերնը:

վերադառնալ

Դիտումների քանակը՝ 1077

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Թեմատիկ լուրեր

Ապրիլ 2, 2012 18:53

ԱՄՆ-Հայաստան երկխոսությունն այսօր ամենաբարձր մակարդակի վրա է. դեսպան

Մարտ 29, 2012 16:28

ԱՄՆ-ի եւ Հայաստանի հարաբերությունները հիմնված են ընդհանուր արժեքների վրա, կարծում է դեսպանը

Մարտ 26, 2012 18:50

Պենտագոնի ղեկավարը հաստատել է ՀՀ Զինված ուժերի զարգացման ծրագրին աջակցելու ԱՄՆ պատրաստակամությունը

Փետրվար 15, 2012 12:06

“Առեւտրատնտեսական հարաբերություններում մենք կարող ենք անել ավելին”, - ասել է ԱՄՆ դեսպանը

Փետրվար 4, 2012 21:47

Քլինթոնն ու Նալբանդյանը խոսել են Հայաստանում կայանալիք ընտրությունների մասին

Այս թեմայի բոլոր նորությունները >>