«Չակ Նորիսը» որպես հայկական ընտրությունների ֆենոմեն

Բանն այն է, որ մեկ տարի առաջ հայկական համացանցի առավել ակտիվ անդամներ սկսեցին օգտագործել ամերիկացի հայտնի մարզիկ եւ դերասան Չակ Նորիսի անունը` որպես ամենակարող մարդու հավաքական եւ երգիծական կերպար:

Մասնավորապես, սոցկայքերում տարբեր հարցումների ժամանակ շատ մարդիկ պատասխանելով միանգամայն լուրջ հարցին, տալիս էին Չակ Նորիսի անունը: Իսկ անցած ընտրարշավի ժամանակ փողոցում իրական թեկնածուների նկարների կողքին երբեմն հանդիպում էին նաեւ Չակ Նորիսի նկարները:

Քանի որ ՀՀ Ընտրական օրենսգրքով քվեաթերթիկում նախատեսված չէ «բոլորին դեմ եմ» տողը, ապա այսօր շատ երիտասարդներ քվեաթերթիկում ձեռքով ավելացրել են Չակ Նորիսի անունն ու «քվեարկել են» նրա օգտին` այդ կերպ արտահայտելով իրենց անհամաձայնությունը առկա թեկնածուների եւ կուսակցությունների հետ:

վերադառնալ