81561 դիտում

“Ընտրությունը քոնն է” ՀԿ-ն արձանագրել է “մտահոգիչ փաստեր”


Հարություն Համբարձումյանը
Հարություն Համբարձումյանը

Լուսանկարը` PanArmenian Photo


Երեւան: Մեդիամաքս: "Ընտրությունը քոնն է” հասարակական կազմակերպության նախագահ Հարություն Համբարձումյանն այսօր ասել է, որ մայիսի 6-ի ընտրությունների ընթացքում իրենց դիտորդներն արձանագրել են "մտահոգիչ փաստեր”, սակայն ստացված արդյունքների վրա դրանց ազդեցությունը գնահատել չի կարող:

Որպես այդպիսի փաստ նա առանձնացրել է որոշ ընտրատեղամասերում անհայտ անձանց կողմից ընտրողների ուղղորդումը, ընտրատեղամասերից դուրս քվեարկած անձանց հաշվառումը, ընտրատեղամասի շուրջ մարդկանց կուտակումները, եւ այլն:

“Օրինակ, Սյունիքի մարզի թիվ 38/40 ընտրատեղամասում զինծառայողները քվեարկել են իրենց հրամանատարի ներկայությամբ, ով քվեարկության ողջ ընթացքում գտնվել է ընտրատեղամասում, իսկ 41/16 ընտրատեղամասում անհայտ անձինք ուղեկցել են ընտրողներին”,- նշել է նա:

Հարություն Համբարձումյանը միաժամանակ ասել է, որ “այս ընտրությունները հեռու են կատարյալ լինելուց, սակայն նախորդ ընտրական գործընթացների համեմատ երկրում աննախադեպ աճ է գրանցվել”:

Կազմակերպության 4000 դիտորդները հետեւել են ընտրությունների գործընթացին 1975 ընտրատեղամասերում: Արձանագրված խախտումների մանրամասները ներկայացված են “Ընտրությունը քոնն է” ՀԿ պաշտոնական կայքում:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am