94653 դիտում

Moody’s. Ընտրությունների արդյունքը դրականորեն կանդրադառնա Հայաստանի վարկանիշի վրա


Լուսանկարը` http://www.ibtimes.com


Երեւան: Մեդիամաքս: Իշխող կոալիցիայի հաղթանակը Հայաստանի խորհրդարանային ընտրություններում դրական ազդանշան է երկրի վարկանիշի համար, քանի որ «դա կապահովի քաղաքական կայունության եւ հաջորդականության որոշակի աստիճան», հայտնում է Bloomberg-ը՝ վկայակոչելով Moody’s Investors Service վարկանիշային գործակալության վերլուծաբաններին:

Գործակալության Moody’s Weekly Credit Outlook շաբաթական պարբերականում հրապարակման համաձայն, Հայաստանի նոր կառավարության համար հիմնական խնդիրները շարունակում են մնալ ղարաբաղյան հակամարտությունը եւ հայ-թուրքական հարաբերությունների կարգավորումը, «եւ քաղաքականության հաջորդականությունն այս զգայուն հարցերի լույսի ներքո դրական գործոն է»:

Moody's-ի կողմից Հայաստանին շնորհված վարկանիշը Ba2 է՝ բացասական կանխատեսմամբ: ՀՀ պետական պարտքը, գործակալության գնահատմամբ, անցանկալի է ներդրողների կողմից ձեռքբերման համար (second best junk rating):

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am