Անցյալ տարվանից ադրբեջանական գերության մեջ գտնվող հայ ռազմագերի Հակոբ Ինջիղուլյանն Ադրբեջանից տեղափոխվել է երրորդ երկիր:

Այս մասին Մեդիամաքս-ի թղթակցին ասել է Կարմիր խաչի միջազգային կոմիտեի հայաստանյան գրասենյակի աշխատակից Վալերի Յուրմակը:

«Օգոստոսի 26-ին Կարմիր խաչի միջազգային կոմիտեն տեղեկացվել է, որ հայ ռազմագերին լքել է Ադրբեջանի տարածքը եւ տեղափոխվել երրորդ երկիր: Մինչ նրա տեղափոխումը ԿԽՄԿ ներկայացուցիչներն այցելել էին ռազմագերուն»,- ասել է աղբյուրը:

Վալերի Յուրմակի խոսքերով, ԿԽՄԿ ներկայացուցիչները տեղեկացրել են Հակոբ Ինջիղուլյանի ընտանիքին եւ հայաստանյան իշխանություններին՝ ռազմագերու երրորդ երկիր տեղափոխվելու մասին:

2013-ին օգոստոսի 7-ի լույս 8-ի գիշերը ժամը 3:00-ի սահմաններում ծառայությունն իրականացնելու ժամանակ տեղանքում չկողմնորոշվելով՝ 1991 թվականին ծնված շարքային Հակոբ Ինջիղուլյանը հատել էր հայ-ադրբեջանական շփման գիծը և հայտնվել հակառակորդի տարածքում։