Երեւան: Մեդիամաքս: Շոտլանդիայում կայացած հանրաքվեի պաշտոնական արդյունքների համաձայն, շոտլանդացիների մեծամասնությունը դեմ է արտահայտվել անկախացմանը Միացյալ Թագավորությունից:
«Պե՞տք է Շոտլանդիան լինի անկախ պետություն» հարցին՝ շոտլանդացիների 45,7 % պատասխանել է «այո», 54.3 %-ը ՝ «ոչ»:
Շոտլանդիայի մայրաքաղաք Էդինբուրգում, ձայները բաշխվել էին հետեւյալ ձեւով՝ 61 %-ը «դեմ» է քվեարկել անկախացմանը, 39 %-ը՝ «կողմ»:
Շոտլանդիայի նախարարի առաջին տեղակալ Նիկոլա Ստերջենն արդեն հայտարարել է, որ Շոտլանդիայի անկախացման կողմնակիցները պարտություն են կրել հանրաքվեում:
Հանրաքվեին մասնակցել է ավելի քան 4 միլիոն մարդ:
ՀՀ արտգործնախարար Էդվարդ Նալբանդյանը՝ Tert.am-ի խնդրանքով մեկնաբանելով Շոտլանդիայում կայացած հանրաքվեն, ասել է.
«Անկախ հանրաքվեի արդյունքներից շոտլանդացիների ազատ կամարտահայտությունը հանդիսանում է ժողովուրդների իրավահավասարության եւ ինքնորոշման սկզբունքի իրացման դրսեւորում: Որեւէ երկրում, որտեղ հարգվում են մարդու իրավունքներն ու ժողովրդավարական ազատությունները չի կարող չհարգվել ժողովուրդների ինքնորոշման սկզբունքը»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: