Երեւան: Մեդիամաքս: Աշխատանքային այցով Թբիլիսիում գտնվող ՀՀ արտգործնախարար Էդվարդ Նալբանդյանն այսօր հանդիպել է Վրաստանի ԱԳ նախարար Գեորգի Կվիրիկաշվիլիի հետ։
Ինչպես հաղորդում են ՀՀ ԱԳՆ մամուլի ծառայությունից, քննարկվել են ՀՀ նախագահի` Թբիլիսի կատարած այցելության ընթացքում երկու երկրների ղեկավարների ձեռք բերված պայմանավորվածությունների կատարման ընթացքը:
Կողմերը կարեւորել են բարձրաստիճան փոխայցելությունները, արտգործնախարարությունների միջեւ խորհրդատվությունների անցկացումը, միջազգային կառույցներում փոխգործակցության սերտացումը։
Նախարարներն անդրադարձել են տարածաշրջանային հրատապ խնդիրների։ Էդվարդ Նալբանդյանը գործընկերոջը ներկայացրել է ԼՂ հիմնախնդրի կարգավորման ուղղությամբ Հայաստանի եւ ԵԱՀԿ Մինսկի խմբի համանախագահների կողմից գործադրվող ջանքերը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: