Երեւան: Մեդիամաքս: ԵԱՀԿ Մինսկի խմբի ֆրանսիացի համանախագահի պաշտոնում նշանակվել է 54-ամյա Ստեֆան Վիսկոնտին (Stephane Visconti):
Նա այդ պաշտոնում փոխարինել է Պիեռ Անդրիոյին:
Ստեֆան Վիսկոնտին ծնվել է 1962 թվականին Փարիզում: Բիզնես կառավարում է սովորել է Ֆրանսիական բարձրագույն դպրոցում (ESSEC):
1987-1989 թվականներին եղել է Booz Allen խորհրդատվական ընկերության տնտեսական եւ ֆինսանսական հարցերով խորհրդատու, 1989-1994 թվականններին աշխատել է որպես միջազգային զարգացման տնօրեն Club Med խոշոր տուրիսատական ընկերությունում:
1994 թվականից աշխատել է Ֆրանսիայի արտաքին գործերի նախարարությունում, իսկ 1998 թվականին դարձել է Ֆրանսիայի վարչապետ Լիոնել Ժոսպենի դիվանագիտական հարցերով խորհրդական:
2002 թվականին Ստեֆան Վիսկոնտին եղել է Սանկտ-Պետերբուրգում Ֆրանսիայի գլխավոր հյուպատոսը:
2005-2008 թթ. եղել է Փարիզի քաղաքապետի միջազգային հարցերով խորհրդական:
2008-2011թթ. զբաղեցրել է Մյունխենում Ֆրանսիայի հյուպատոսի պաշտոնը:
2012 թվականին եղել է ՄԱԿ-ի Գլխավոր ասամբլեայի 67-րդ նստաշրջանի ֆրանսիական պատվիրակության գլխավոր քարտուղարը:
2013 թվականից մինչեւ ընթացիկ տարվա հոկտեմբերի 17-ը Ստեֆան Վիսկոնտին Ֆրանսիայի դեսպանն էր Լատվիայում:
Բացի մայրենի ֆրանսերերից գերազանց տիրապետում է ռուսերեն, գերմաներեն, անգլերեն լեզուներին: Գիտի նաեւ իտալերեն, շվեդերեն, վրացերեն եւ թուրքերեն: Լատվիայում աշխատելու ընթացում Ստեֆան Վիսկոնտին շատերին զարմացրել է ռուսերենի իր գերազանց իմացությամբ: Նա ասել է, որ իր սիրելի գրողը Պուշկինն է:
«Ես դաստիարակվել եմ ռուսական գրականության լավագույն նմուշներով, ինչը ինձ շատ է օգնել: Այն հիմա էլ է օգնում: Ռուսական մշակույթի ոլորտում ես ինձ բավական ազատ եմ զգում»,-ասել է նա:
Ըստ Ստեֆան Վիսկոնտու՝ լեզուների իմացությունը «նաեւ ազատության գործիք է»:
Ֆրանս-լատվիական կապերի ամրապնդման գործում ներդրած նշանակալի ավանդի համար Լատվիայի նախագահը Ստեֆան Վիսկոնտիին պարգեւատրել է «Երեք աստղ» III աստճանի շքանշանով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: