Երեւան: Մեդիամաքս: Վրաստանի գլխավոր դատախազությունը նախկին նախագահ Միխայիլ Սաակաշվիլիին արտահանձնելու վերաբերյալ պաշտոնական երկու հայց է ուղարկել Ուկրաինա, եւ այն երկու անգամ պաշտոնապես մերժվել է:
Ինչպես հաղորդում է ՏԱՍՍ-ը, այդ մասին այսօր հայտնել է Վրաստանի արդարադատության նախարար Թեա Ցուլուկիանին:
Նա ընդգծել է, որ նախկին նախագահի արտահանձնման հարցը «չի կարող քաղաքական դիտարկվել»:
Վրաստանում պաշտոնական այցով գտնվով Ուկրաինայի նախագահ Պյոտր Պորոշենկոն հուլիսի 18-ին հայտարարել էր, որ «Վրաստանի իշխանությունների կողմից Սաակաշվիլիին արտահանձնելու մասին հայց չի ստացել»:
Սակայն ավելի ուշ նույն օրը նա նշեց, որ «ստուգել է տեղեկատվությունը եւ ճշտել, որ Վրաստանից իսկապես հայց ներկայացվել է»:
«Ուկրաինան մերժել է այն եւ հայցել լրացուցիչ նյութեր: Լավ է, որ այդ հարցը լուծվում է առանց նախագահի միջամտության: Դա ուժային կառույցների եւ Գլխավոր դատախազության արտոնությունն է»,- ասել է Պորոշենկոն Վրաստանի հանրային հեռուստաալիքին տված հարցազրույցում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: