Երեւան: Մեդիամաքս: Գերմանիայի ԱԳՆ ղեկավար Զիգմար Գաբրիելն առաջարկել է Թուրքիայի նախագահին հանդես գալ ԵՄ-ին անդամակցելու մասին բանակցությունների դադարեցման նախաձեռնությամբ:
«Խոսքի ազատությունը սահմանափակող, անմեղ մարդկանց բանտ նետող եւ ընդդիմությանը հալածող Թուրքիան չի կարող Եվրամիության մաս կազմել: Այս մասին գիտի նաեւ Թուրքիայի նախագահը: Ինձ թվում է, նա լուրջ չի վերաբերվում անդամակցելու շուրջ բանակցություններին», - ասել է Զիգմար Գաբրիելը Bild թերթին տված հարցազրույցում, որը մեջբերում է ՏԱՍՍ-ը:
Միեւնույն ժամանակ Գերմանիայի ԱԳՆ նախարարը նշել է, որ Եվրամիությունը չի դադարեցնի բանակցությունները:
«Թող նա [Թուրքիայի նախագահը] անձամբ դա անի, ես չեմ ցանկանում աջակցել նրան հերթական սադրանքում»,- պարզաբանել է Գաբրիելը:
Ըստ նրա, «Թուրքիան մեծ է եւ Էրդողանից հետո էլ կգոյատեւի»:
«Մենք Թուրքիայի եւ թուրքերի հետ խնդիր չունենք, սակայն ունենք խնդիրներ ներկայիս կառավարության եւ նախագահի վարած քաղաքականության հետ»,- հայտարարել է նախարարը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: