Երեւան: Մեդիամաքս: ՀՀ ԱԳ նախարարի տեղակալ Աշոտ Հովակիմյանն ասել է, որ Հայաստանն ակտիվ քայլեր է ձեռնարկում երկրի զարգացման հետագա ընթացքը ՄԱԿ-ի Կայուն զարգացման նպատակների օրակարգին համապատասխանեցնելու հարցում։
Այս մասին փոխնախարարն ասել է Ժնեւում՝ ՄԱԿ Եվրոպայի տնտեսական հանձնաժողովի նորանշանակ գործադիր քարտուղար Օլգա Ալգաերովայի հետ հանդիպմանը:
ԱԳՆ հաղորդագրության համաձայն՝ կողմերը երկուստեք գոհունակություն են արձանագրել Հայաստանի եւ ՄԱԿ Եվրոպայի տնտեսական հանձնաժողովի միջեւ կայուն համագործակցության մակարդակի եւ մի շարք ծրագրերի հաջող ընթացքի վերաբերյալ:
ՄԱԿ-ի փախստականների հարցերով Բարձր հանձնակատարի ծրագրի Գործադիր կոմիտեի նստաշրջանի ընթացքում Աշոտ Հովակիմյանը հիշեցրել է, որ Հայաստանը, ապաստան տրամադրելով շուրջ 22 հազար փախստականների, բնակչության թվի հարաբերակցությամբ երրորդն է Եվրոպայում` Սիրիայից փախստականներ ընդունող երկրների շարքում:
Մյուս կողմից, փոխնախարարը նշել է, որ ի լրումն Հայաստանի իշխանությունների ջանքերի, անհրաժեշտ է միջազգային հանրության եւ դոնոր կազմակերպությունների աջակցությունը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: