Երեւան: Մեդիամաքս: Այսօր պաշտոնական այցով Հայաստան կժամանի Մոլդովայի նախագահ Իգոր Դոդոնը:
Նախատեսված են նրա հանդիպումները ՀՀ նախագահի, Ազգային ժողովի նախագահի, վարչապետի հետ: Իգոր Դոդոնը կայցելի Մայր Աթոռ Սուրբ Էջմիածին, Մատենադարան, «Թումո» ստեղծարար տեխնոլոգիաների կենտրոն, Հայաստանի շախմատի ակադեմիա:
Մոլդովայի նախագահ Ծիծեռնակաբերդի հուշահամալիրում հարգանքի տուրք կմատուցի Հայոց ցեղասպանության զոհերի հիշատակին:
Մեդիամաքսը նշում է, որ Իգոր Դոդոնը, որը ռուսամետ գործիչ է համարվում,
Հայաստան է այցելում իր երկրում ներքաղաքական իրավիճակի լարման ֆոնին:
Մասնավորապես, հոկտեմբերի վերջին Մոլդովայի Սահմանադրական դատարանը թույլատրեց վարչապետին եւ խորհրդարանի նախագահին նշանակել նախարարներին՝ շրջանցելով նախագահին:
Իգոր Դոդոնը հոկտեմբերի 31-ին հայտարարել էր, որ չի մասնակցի Բրյուսելում կայանալիք Արեւելյան գործընկերության գագաթնաժողովին:
«Ես դեմ չեմ համագործակցել ԵՄ-ի հետ, սակայն ես չեմ ցանկանում, որ մեր ժողովրդին ստիպեն ընտրություն կատարել Արեւելքի եւ Արեւմուտքի միջեւ», - ասել էր նա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: