Երեւան: Մեդիամաքս: ՀՀ նախագահ Սերժ Սարգսյանն աշխատանքային այցով այսօր ժամանել է Մոսկվա:
Նախագահի մամուլի ծառայությունը տեղեկացնում է, որ Սերժ Սարգսյանն այցելել է Հայ առաքելական եկեղեցու Ռուսաստանի եւ Նոր Նախիջեւանի թեմի առաջնորդարան եւ «Սուրբ Պայծառակերպություն» Մայր տաճար:
Գովաբանական աղոթքին մասնակցելուց հետո նախագահը դիտել է եկեղեցական համալիրի տարածքում ներկայացված ժամանակակից հայկական խաչքարերի ցուցահանդեսը, որտեղ ցուցադրված են քանդակագործ Ռուբեն Նալբանդյանի հեղինակած երկու տասնյակ խաչքարեր։
Այնուհետ նախագահը եկեղեցական համալիրի «Տապան» թանգարանում դիտել է «Ռուսաստանում Հայաստանի մշակույթի օրերի» շրջանակում բացված «Բիբլիական երկիր Հայաստան» խորագրով ցուցահանդեսը: Վերջինում ներկայացված են եկեղեցական պարագաներ, հնագույն ձեռագրեր, հին դրամներ եւ հուշամեդալներ, եզակի գտածոներ, հայ նշանավոր նկարիչների կտավներ։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: