Երեւան: Մեդիամաքս: Այսօր Երեւանի Վարդանանց փողոց 14/1 հասցեում պաշտոնապես բացվել է Իսպանիայի վիզաների կենտրոնը։
Ծառայությունն իրականացնելու է BLS International-ը, որը վիզա աութսորսինգի, անձնագրային, հյուպատոսական, ատեստավորման եւ քաղաքացիական ծառայություն մատուցող ամենախոշոր ընկերություններից է աշխարհում։
BLS International Armenia-ի տնօրեն Լեւոն Իսրայելյանն ասել է, որ նման կենտրոնի բացման անհրաժեշտությունը պայմանավորված է Հայաստան-Իսպանիա ուղղության մեծ պահանջարկով։
«Հայաստանից տարեկան 10-12 հազ. մարդ է այցելում Իսպանիա»,- ասել է նա։
Լեւոն Իսրայելյանը տեղեկացրել է, որ կենտրոնը տրամադրելու է միայն կարճաժամկետ վիզաներ։ Հայտերի քննման ժամկետը մինչեւ 15 օր է սահմանված։
«Մեր կենտրոնը հնարավորինս արագ, առանց հերթի կսպասարկի»,-հավելել է նա։
Ռուսաստանում Իսպանիայի պատվո հյուպատոս Իցիար Տաբոատան էլ նշել է, որ կենտրոնի բացումը կարեւոր քայլ է դեպի Իսպանիա հայերի տեղաշարժի դյուրացման համար։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: