Երեւան: Մեդիամաքս: Հայաստանի եւ Եվրոպական Միության միջեւ նոր համաձայնագրի ստորագրմանը ոչ մի խոչընդոտ այլեւս չկա, եւ այն հաստատ ստորագրվելու է նոյեմբերի 24-ին Բրյուսելում կայանալիք Արեւելյան Հարեւանության գագաթաժողովի ընթացքում։
Այս մասին այսօր Մեդիամաքսին հայտնել է հավաստի աղբյուրը Եվրոպական հանձնաժողովում։
Աղբյուրը հայտնել է, որ ԵՄ բոլոր պետություններն արդեն լիազորել են Եվրոպական հանձնաժողովին ԵՄ-ի անունից ստորագրելու այդ փաստաթուղթը։
Միաժամանակ, Եվրոպական հանձնաժողովից հաստատել են, որ գագաթաժողովի ավարտական հռչակագիրը դեռեւս համաձայնեցման փուլում է, եւ «արվում է հնարավոր ամենը առկա տարաձայնությունները հարթելու համար»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: