Երեւան: Մեդիամաքս: Ռուսական С-400 զենիթա-հրթիռային համակարգերը Թուրքիային մատակարարելու թեման շոշափվել է ապրիլի 3-ին Թուրքիայում` Վլադիմիր Պուտինի եւ Ռեջեփ Թայիփ Էրդողանի համատեղ մամուլի ասուլիսի ժամանակ:
Ներկայացնում ենք մեջբերումներ այս թեմայով Ռուսաստանի եւ Թուրքիայի ղեկավարների պատասխաններից:
Էրդողան
«Այս որոշումը (С-400-ը ձեռք բերելու մասին-խմբ.) ընդունվել է ինքնուրույն՝ Թուրքիայի կողմից: Այս հարցում մեր սիրելի ընկերները, Ռուսաստանի Դաշնությունը դրական արձագանքեցին մեր այս պահանջին, եւ ի վերջո, մենք ստորագրեցինք С-400-ների ձեռք բերման վերաբերյալ համաձայնագիրը, եւ գործընթացն ավարտված է: Այժմ շարունակվում է այդ հրթիռների արտադրման գործընթացը: Հարկ է նաեւ նշել, որ ռուսական կողմը կրճատել է այդ հրթիռները մեր երկիր մատակարարելու ժամկետները»:
Պուտին
«Ինչ վերաբերում է С-400-ների մատակարարման ժամկետների կրճատմանը, ապա մենք դա արել ենք մեր թուրք գործընկերների եւ բարեկամների խնդրանքով: Մենք արագացրել ենք արտադրությունը եւ պայմանավորածություն ձեռք բերել գների շուրջ, ինչը շատ կարեւոր է»:
***
Մամուլի ասուլիսի ընթացքում Վլադիմիր Պուտինը նաեւ արել է հետեւալ հայտարարությունը:
«Թուրքիան մեզ համար առաջնահերթ եւ շատ հուսալի գործընկեր է: Սա վերաբերում է նաեւ մի շարք խոշոր տարածաշրջանային խնդիրների շուրջ մեր պայմանավորվածությունների կատարմանը, որոնց մենք առերեսվում ենք եւ որոնց կարգավորմամբ շահագրգռված ենք: Չեմ տեսնում որեւէ խնդիր, որը կխոչընդոտի Թուրքիայի Հանրապետության հետ հարաբերությունների հետագա զարգացումը»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: