Երեւան: Մեդիամաքս: Միավորված ազգերի կազմակերպության գլխավոր քարտուղար Անտոնիու Գուտերեշը հայտարարել է, որ ՄԱԿ-ը պատրաստակամ է աջակցելու Հայաստանի հետագա զարգացմանը՝ երկրի համար կարեւորություն ներկայացնող ասպարեզներում։
ԱԳՆ հաղորդագրության համաձայն՝ Անտոնիու Գուտերեշն այս մասին նշել է հուլիսի 18-ին՝ ԱԳ նախարար Զոհրաբ Մնացականյանի հետ Նյու Յորքում հանդիպմանը:
ԱԳ նախարարը վերահաստատել է ՀՀ կառավարության մեծ շահագրգռվածությունը՝ ավելի հարստացնելու համատեղ օրակարգը:
Զոհրաբ Մնացականյանն ընդգծել է արտահերթ ընտրությունների կազմակերպման գործում Հայաստանի իշխանությունների պատրաստակամությունը՝ սերտորեն համագործակցելու միջազգային գործընկերների, այդ թվում՝ ՄԱԿ-ի Զարգացման գործակալության հետ։
Անտոնիու Գուտերեշը վերահաստատել է, որ այս առումով եւս Հայաստանը կարող է հիմնվել ՄԱԿ-ի փորձառության ու աջակցության վրա։
Անդրադառնալով ԼՂ հիմնախնդրի կարգավորմանը՝ նախարարը նշել է, որ հայկական կողմի համար բանակցային գործընթացի առաջնայնություններն են Արցախի կարգավիճակը եւ անվտանգությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: