Երեւան: Մեդիամաքս: Հայաստանի վարչապետ Նիկոլ Փաշինյանը Ռուսաստանի նախագահ Վալդիմիր Պուտինի հետ հանդիպման արդյունքներով ասել է, որ «հայ-ռուսական հարաբերությունները փայլուն են»:
«Մեր հարաբերություններում չկա ոչ մի պրոբլեմ, ոչ մի ուղղությամբ», - գրել է Փաշինյանը իր ֆեյսբուքյան էջում:
Մեդիամաքսը նշում է, որ սա Պուտինի եւ Փաշինյանի երրորդ հանդիպումն էր եւ առաջինը՝ դեմ առ դեմ ձեւաչափով:
ՏԱՍՍ-ը հաղորդում է, որ հանդիպման սկզբում Վլադիմիր Պուտինն ասել է.
«Հայաստանի եւ Ռուսաստանի հարաբերությունները զարգանում եմ բոլոր ուղղություններով՝ դա վերաբերում է համագործակցությանը քաղաքական, ռազմական, անվտանգության եւ տնտեսական ոլորտներում»:
«Չնայած որոշակի հոռետեսությանը, որն առկա եւ հայկական, եւ ռուսական մամուլում, եւ սոցիալական ցանցերում, ես կարծում եմ, որ մեր հարաբերությունները շատ բնական եւ դինամիկ են զարգանում», - ասել է Նիկոլ Փաշինյանը՝ կարեւորելով երկկողմ կապերի ողջ ներուժի բացահայտումը:
Նա համոզմունք է հայտնել, որ Ռուսաստանի եւ Հայաստանի հարաբերություններում «չկան անլուծելի հարցեր»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: