Երեւան: Մեդիամաքս: Ռուսաստանի նախագահ Վլադիմիր Պուտինը պաշտոնական այցով կժամանի Հայաստան:
Այս մասին «Իզվեստիա»-ին հայտնել է ՌԴ նախագահի մամուլի խոսնակ Դմիտրի Պեսկովը:
«Այցի ժամկետները կհստակեցվեն»,- ասել է նա:
ՀՀ վարչապետ Նիկոլ Փաշինյանի եւ Վլադիմիր Պուտինի վերջին հանդիպումը կայացել էր սեպտեմբերի 8-ին: Նիկոլ Փաշինյանը հայտարարել էր, որ Ռուսաստանի նախագահին հրավիրել է Երեւան, եւ հույս ունի, որ Պուտինը պաշտոնական այցով Երեւանում կլինի ամենամոտ ժամկետներում:
Սա կլինի Փաշինյանի եւ Պուտինի հինգերորդ հանդիպումը՝ մայիսի 8-ից ի վեր:
Սեպտեմբերի վերջին օրերին Վլադիմիր Պուտինը նախատեսում է այցելել Ադրբեջան:
Մեդիամաքսը նշում է, որ Վլադիմիր Պուտինը վերջին անգամ Երեւան է այցելել 2016թ. հոկտեմբերին՝ ՀԱՊԿ անվտանգության խորհրդի նիստի մասնակցելու նպատակով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: