Երեւան: Մեդիամաքս: ՀՀ արտգործնախարար Զոհրաբ Մնացականյանն այսօր ասել է, որ հայ-ադրբեջանական սահմանին արձանագրված վերջին միջադեպը քննարկվել է ՀԱՊԿ շրջանակում։
«ՀԱՊԿ-ն այն կառույցն է, որի շրջանակում ապահովում ենք մեր միասնական անվտանգությունը»,- լրագրողների հետ ճեպազրույցում ասել է ԱԳ նախարարը։
Զոհրաբ Մնացականյանն ընդգծել է, որ «ՀԱՊԿ-ի կողմից միջադեպին պաշտոնական արձագանք լինել-չլինելը չի նշանակում, որ այդ կազմակերպությունում մենք մեր գործառույթը չենք իրականացնում»։
«Մենք համբերատար աշխատում ենք մեր գործընկերների հետ»,- հավելել է նախարարը։
Սեպտեմբերի 19-ին Տավուշի մարզում ադրբեջանական կողմի կրակոցից զոհվել էր ՀՀ պայմանագրային զինծառայող Հայկազ Մաթեւոսյանը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: