6103 դիտում

Մեկ օրում Արցախում երկու զինվոր է զոհվել


Լուսանկարը` Photolure


Երեւան: Մեդիամաքս: Մարտի 17-ին՝ ժամը 17:30-ի սահմաններում, ԼՂՀ ՊԲ հարավային ուղղությամբ տեղակայված զորամասերից մեկի պահպանության տեղամասում, զենքի օգտագործման կանոնների խախտման հետեւանքով, մահացու վիրավորում է ստացել ՊԲ զինծառայող Հովհաննես Հարությունյանը (ծնված 1997թ.):

Ինչպես հաղորդել են ԼՂՀ Պաշտպանության բանակի մամուլի ծառայությունից, նույն օրը՝ 14:55-ի սահմաններում, ՊԲ հյուսիսարեւելյան ուղղությամբ տեղակայված զորամասերից մեկի պահպանության տեղամասում, ադրբեջանական կողմի արձակած կրակոցից, մահացու հրազենային վիրավորում է ստացել ՊԲ զինծառայող, Արտյոմ Վարդերեսյանը (ծնված 1996թ.):

Դեպքերի մանրամասները պարզելու համար կատարվում է քննություն:

ՊԲ-ից հայտնում են նաեւ, որ այս գիշեր ղարաբաղա-ադրբեջանական հակամարտ զորքերի շփման գծում հայ դիրքապահների ուղղությամբ արձակվել է ավելի քան 600 կրակոց:

ՊԲ առաջապահ զորամասերը հակառակորդի նախահարձակ գործողությունները ճնշելու համար դիմել են թիրախային պատժիչ գործողությունների:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am