Երեւան: Մեդիամաքս: ՀՀ կառավարությունը մայիսի 5-ի նիստում կքննարկի Լեռնային Ղարաբաղի Հանրապետության ճանաչման օրենքի նախագիծը:
Նախագիծն ԱԺ-ում ներկայացրել էին պատգամավորներ Զարուհի Փոստանջյանը եւ Հրանտ Բագրատյանը:
«Հայաստանի Հանրապետության կառավարությունը ներկայացված օրենքի նախագծի ընդունումը պայմանավորում է Հայաստանի եւ Արցախի միջեւ քննարկումների արդյունքներով՝ հաշվի առնելով հետագա զարգացումները, այդ թվում՝ արտաքին գործոնները»,- նշված է կառավարության եզրակացության մեջ:
Նշենք, որ ՀՀ նախագահ Սերժ Սարգսյանն ապրիլի 4-ին հայտարարել էր Արցախի անկախության ճանաչման հնարավորության մասին:
«Եթե, իրոք, ռազմական գործողությունները շարունակվեն եւ ստանան լայնածավալ մասշտաբ, Հայաստանի Հանրապետությունը ճանաչելու է Լեռնային Ղարաբաղի անկախությունը»,- հայտարարել էր ՀՀ նախագահը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: