Երեւան: Մեդիամաքս: Ադրբեջանի նախագահ Իլհամ Ալիեւը հանդես է եկել հակահայկական նոր հայտարարություններով:
Ինչպես հայտնում է Trend-ը, այսօր զինվորականների հետ հանդիպմանը նա ասել է, թե «Հայաստանի գոյությունը աշխարհի քարտեզի վրա զուտ ձեւական է»:
«Մենք 25 տարի է ինչ անկախ պետություն ենք, եւ կարողացել ենք դրան հասնել առանց որեւէ մեկի օգնության, առանց ինչ-որ մեկի փեշից կառչելու: Այսօր մենք պետք է բացահայտ ասենք, որ որպես անկախ պետություն Հայաստանի գոյությունը աշխարհի քարտեզի վրա ձեւական է: Նա սեփական ապագան ինքնուրույն որոշել չի խարող», - հայտարարել է Ադրբեջանի նախագահը:
«Երկար տարիներ Հայաստանը առասպելներ է ստեղծել սեփական բանակի մասին, թե իբր անպարտելի բանակ ունի: Ապրիլյան մարտերը ցույց տվեցին, թե ում բանակն է անպարտելի: Չնայած Հայաստանը չի ցանկանում ընդունել սեփական ցավալի պարտությունը, նա ստիպված է անել դա: Հենց ապրիլյան մարտերից հետո շատ բարձրաստիճան զինվորականներ՝ Հայաստանի պաշտպանության նախարարի գլխավորությամբ, պաշտոնանկ եղան: Դա ապրիլյան մարտերի հետեւանքն էր», - ասել է Իլհամ Ալիեւը:
Խոսելով ԼՂ կարգավորման մասին, Ադրբեջանի նախագահը ասել է, որ «Լեռնային Ղարաբաղը երբեք անկախություն չի ստանա»:
«Եթե ինչ-որ մեկը սպասում է դրան, ապա թող իզուր չսպասի: Դա չի լինելու», - ասել է Ալիեւը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: