Մինսկի խմբի ԱՄՆ նոր համանախագահը կայցելի Երեւան եւ Բաքու - Mediamax.am

16284 դիտում

Մինսկի խմբի ԱՄՆ նոր համանախագահը կայցելի Երեւան եւ Բաքու


Լուսանկարը` US Embassy inAustria


Երեւան: Մեդիամաքս: Այս շաբաթ ԵԱՀԿ Մինսկի խմբի ամերիկացի համանախագահ Էնդրյու Շեֆերը կկատարի իր առաջին այցը Երեւան եւ Բաքու՝ հանդիպելու պաշտոնատար անձանց եւ տեղում ծանոթանալու իրավիճակին:

ԱՄՆ դեսպանության տարածած հաղորդագրության համաձայն՝ տարածաշրջանում գտնվելու ընթացքում Էնդրյու Շեֆերը Մինսկի խմբի մյուս համանախագահների հետ միասին կմասնակցի նաեւ բարձր մակարդակի հանդիպումների:

 

«ԱՄՆ-ը պաշտպանում է Լեռնային Ղարաբաղի հակամարտության խաղաղ կարգավորման գործընթացը եւ կշարունակի ակտիվորեն աշխատել կողմերի հետ որպես ԵԱՀԿ Մինսկի խմբի համանախագահ: Էնդրյու Շեֆերը՝ որպես ԱՄՆ համանախագահ, պաշտպանում է մեր վաղեմի քաղաքականությունը՝ ընդունված Մինսկի խմբի եռանախագահների շրջանում, այն է՝ արդարացի կարգավորումը պետք է հիմնվի միջազգային իրավունքի վրա, որը ներառում է Հելսինկյան եզրափակիչ ակտը եւ ուժի կամ ուժի սպառնալիքի չկիրառման, տարածքային ամբողջականության եւ հավասար իրավունքների ու ինքնորոշման սկզբունքները»,- ասված է ԱՄՆ դեսպանության հաղորդագրությունում:

 

Մեդիամաքսը հիշեցնում է, որ 2013-2016 թթ․Մինսկի խմբում ԱՄՆ-ն ներկայացնում էր Ջեյմս Ուորլիքը: 2017թ. հունվարից նրան փոխարինում էր Ռիչարդ Հոգլանդը: Էնդրյու Շեֆերն այս պաշտոնում նշանակվել է ս.թ. օգոստոսի վերջին:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին