Սարգսյանն ու Ալիեւը պայմանավորվել են ակտիվացնել բանակցությունները - Mediamax.am

18496 դիտում

Սարգսյանն ու Ալիեւը պայմանավորվել են ակտիվացնել բանակցությունները


Լուսանկարը` ՀՀ նախագահի մամուլի ծառայություն


Երեւան: Մեդիամաքս: ԵԱՀԿ Մինսկի խումբը հայտարարություն է տարածել այսօր Ժնեւում Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի հանդիպման կապակցությամբ:

 

«Հանդիպումն անցել է կառուցողական մթնոլորտում։

 

Նախագահները համաձայնել են միջոցներ ձեռնարկել՝ բանակցային գործընթացը ակտիվացնելու եւ լրացուցիչ քայլեր ձեռնարկել՝ շփման գծում լարվածությունը նվազեցնելու համար։

 

Համանախագահներն իրենց գոհունակությունն են հայտնել երկարատեւ դադարից հետո ուղիղ բանակցությունների կապակցությամբ։ Նրանք պատրաստ են շարունակել աշխատել կողմերի հետ՝ գտնելու Լեռնային Ղարաբաղի հակամարտության խաղաղ, բանակցված լուծում։ Որպես հաջորդ քայլ՝ համանախագահներն առաջիկայում կկազմակերպեն նախարարների աշխատանքային հանդիպումներ»,- ասված է միջնորդների հայտարարությունում:

 

Հանդիպումը տեղի է ունեցել երկու երկրների արտաքին գործերի նախարարներ Էդվարդ Նալբանդյանի եւ Էլմար Մամեդյարովի, ինչպես նաեւ ԵԱՀԿ Մինսկի խմբի համանախագահներ Իգոր Պոպովի (Ռուսաստան), Էնդրյու Շեֆերի (ԱՄՆ), Ստեֆան Վիսկոնտիի (Ֆրանսիա) ու ԵԱՀԿ գործող նախագահի անձնական ներկայացուցիչ Անջեյ Կասպշիկի մասնակցությամբ:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին