ՀՀ նախագահ. «Ալիեւն ու ես շահագրգռված ենք, որ զոհեր չունենանք» - Mediamax.am

18751 դիտում

ՀՀ նախագահ. «Ալիեւն ու ես շահագրգռված ենք, որ զոհեր չունենանք»


Լուսանկարը` ՀՀ նախագահի մամուլի ծառայություն

Լուսանկարը` ՀՀ նախագահի մամուլի ծառայություն


Երեւան: Մեդիամաքս: ՀՀ նախագահ Սերժ Սարգսյանն այսօր Ժնեւում հայտարարել է, որ Ադրբեջանի նախագահ Իլհամ Ալիեւի հետ հանդիպմանը որեւէ կոնկրետ պայմանավորվածություն խնդրի լուծման տարբերակների մասին ձեռք չի բերվել:

Այս մասին նախագահն ասել է շվեյցարահայ համայնքի ներկայացուցիչների հետ հանդիպմանը՝ ներկայացնելով Ադրբեջանի նախագահի հետ բանակցությունների արդյունքները:

 

«Բայց պայմանավորվել ենք, որպեսզի միջոցներ ձեռնարկենք լարվածությունն էլ ավելի թուլացնելու համար, որպեսզի առաջնագծում չունենանք զոհեր: Պետք է ասեմ՝ ե՛ւ Ադրբեջանի նախագահը, ե՛ւ ես դրանում խորապես շահագրգռված ենք:

 

Տա Աստված, որ միշտ այդպես կարծի [Իլհամ Ալիեւը-խմբ.]: Նա էլ շատ լավ է հասկանում խնդրի բարդությունը, բնականաբար, ես էլ, բայց խնդիրն այնպիսին է, որ հեշտ լուծում երբեք չի լինելու:

 

Ուզում եմ, որ բոլորդ վստահ լինեք` մեզ համար չկա լուծում, որը կարող է ինչ-որ կերպ խաթարել Ղարաբաղի անվտանգությունը: Մեզ համար միակ լուծումն այն է, որ Ղարաբաղը լինի Ադրբեջանից դուրս»,- ասել է Սերժ Սարգսյանը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին