Երեւան: Մեդիամաքս: Արցախի նախագահ Բակո Սահակյանը համոզմունք է հայտնել, որ Արցախի Հանրապետության արտաքին գործերի նախարարությունը, ունենալով անհրաժեշտ ներուժ, այսուհետ եւս պատշաճ կերպով կիրականացնի իր գործառույթները եւ արժանվույնս կներկայացնի երկիրն արտաքին ասպարեզում:
Այս մասին ասված է Արցախի ԱԳՆ-ի 25-ամյակի կապակցությամբ Բակո Սահակյանի հղած ուղերձում:
«Արցախի արտաքին գործերի նախարարությունը՝ որպես յուրաքանչյուր անկախ եւ ինքնիշխան երկրի կարեւոր պետական մարմին, հիմնադրվել է մեր ժողովրդի համար բախտորոշ շրջանում՝ ադրբեջանական ագրեսիայի ամենաթեժ ժամանակահատվածում:
Գործելով ռազմական դրության պայմաններում՝ գերատեսչությունն անցել է բարդ ու դժվարություններով լի ճանապարհ՝ պատվով իրականացնելով իր առջեւ դրված խնդիրները»,- ասել է Արցախի նախագահը:
Բակո Սահակյանն ընդգծել է, որ գերատեսչությունը պաշտպանում է հանրապետության շահերը միջազգային հարթակներում՝ պայքարելով քաղաքական ու լրատվական դաշտում Ադրբեջանի ագրեսիվ պահվածքի դեմ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: