Մեդիամաքս-ը սկսում է նոր հատուկ նախագիծ՝ «Մանկաբառ»: Որոշել ենք գրի առնել երեխաների որոշ մտքեր եւ պարբերաբար ներկայացնել դրանք՝ դրական լիցքերով կիսվելու անկեղծ ցանկությամբ:
***
Ստեփան, 4 տարեկան. Երբ մեծանա, ուզում է դառնալ Spiderman, որ վերեւ թռնի ու բոլոր մարդկանց օգնության գա:
Առավոտյան երբ արթնանում ես, միանգամից պիտի գնաս ատամներդ լվալու:
Ունեմ Spiderman-ի տիկնիկ, մոտո, «պիժամիկ», հողաթափեր, վերմակ եւ բոքսի ձեռնոցներ:
Սիրում եմ Spiderman-ի ու Կարմիր գլխարկի մասին հեքիաթները: «Կարմիր գլխարկի» մեջ անտառ կա, որտեղ կարելի ա սունկ ու ծաղիկ հավաքել:
Չեմ ուզում դպրոց գնամ: Ուզում եմ մնամ մանկապարտեզում ու սկսեմ վերեւի հարկում քնել:
Էն մեծ սեւ մեքենան տեսել ե՞ք: Իմն ա ու պապայինս:
Շատ սիրելուց մաման ինձ գրկում ա ու «գզում»: Բայց ինձ դուր չի գալիս, որովհետեւ ես արդեն փոքր չեմ:
Մամայիս համար կուզենայի «տորտիկ» սարքեի ու նրան արդուկ նվիրեի:
Չեմ սիրում Բեթմենին:
Մանկապարտեզի աղջիկները իմ տուն չեն գալիս:
Ընկերությունը՝ երբ ամեն ինչ միասին են անում:
Երբ չար չեմ մնում՝ քույրիկիս սիրում եմ:
Կենդանիներից սիրում եմ ձի ու կրիա, բայց տանը չեմ պահի:
Մեծերին կհարցնեի՝ ե՞րբ են ինձ Spiderman-ի նոր խաղալիք առնելու:
Գրի առավ Աննա Բուբուշյանը
Լուսանկարեց Էմին Արիստակեսյանը
Շնորհակալություն ենք հայտնում «Հրաշք մանկիկ» մանկապարտեզի տնօրինությանը՝ նախագծին աջակցելու համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: