Մեդիամաքս-ը շարունակում է «Մանկաբառ» հատուկ նախագիծը, որում գրի ենք առնում երեխաների հետաքրքիր մտքերը:
***
Նատալի, 4 տարեկան. Երբ մեծանա, ուզում է մամա դառնալ
Երկու բալիկ եմ ունենալու՝ աղջիկ եւ տղա: Աղջկա անունը դնելու եմ Մարիա, տղայինը՝ Ալեքս:
Դեռ ոչ մի տղայի չեմ սիրում:
Ընկերություն անելը՝ երբ ես, Մարիամը, Ստյոպիկը, Արեսը, Լեւոնյան Արինան ու Նելլին միասին խաղում ենք եւ խաղալիքներով կիսվում:
Երկու քույրիկ ունեմ՝ շատ ենք կռվում, խաղալիքների պատճառով իրար վրա հարձակվում: Բայց հետո միշտ բարիշում ենք:
Մամային շատ ենք բարկացնում, բայց մեկ-մեկ՝ էդքան էլ չէ:
Սիրում եմ տուն-տունիկ խաղալ:
Չեմ սիրում տանը մնալ, սիրում եմ դուրս գնալ:
Ձմեռը շատ եմ սիրում: Սպասում եմ, երբ պիտի ձյուն գա, որ խաղալիքների մեջ լցնեմ:
Սպիտակ փիսիկ եմ ուզում: Անունը կդնենք Անգելինա՝ մեծ քույրիկիս անունով: Բայց մաման ասում ա, որ չի առնի, վախենում ա: Երեւի պիտի պապային խնդրենք:
Վիննի Պուխը իմ ամենասիրած արջուկն է:
Գրի առավ Աննա Բուբուշյանը
Լուսանկարեց Էմին Արիստակեսյանը
Շնորհակալություն ենք հայտնում «Հրաշք մանկիկ» մանկապարտեզի տնօրինությանը՝ նախագծին աջակցելու համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: