Մեդիամաքս-ը շարունակում է «Մանկաբառ» հատուկ նախագիծը, որում գրի ենք առնում երեխաների հետաքրքիր մտքերը:
***
Գրիգոր, 6 տարեկան. Երբ մեծանա, ուզում է դառնալ նկարիչ կամ տիեզերագնաց:
Մեր խմբում ես ամենամեծն եմ:
Ամենաշատը ինձ հետաքրքիր է մոլորակների մասին նոր բաներ իմանալ: Երբ մեծանամ, Ամերիկայից տիեզերանավ կվերցնեմ ու կթռչեմ Մարս: Գիտեմ, որ այնտեղ մարդ չի ապրում, բայց պետք ա ստուգել: Հետո բոլորին կպատմեմ, ինչ եմ տեսել:
Մանկապարտեզում իմ մոտ ընկերներն են Արամն ու Ռաֆուլիկը: Աղջիկների հետ էլ եմ ընկերություն անում՝ Սիլվայի, Լիլիթի, Կամիլլայի: Իսկ Մարիամին սիրում եմ:
Լավ ընկերները երբեք իրար չեն խաբում:
Չեմ սիրում լոլիկ ու շատ եմ սիրում բանան:
Սիրելի հեքիաթ ունեմ՝ մի կատվի մասին ա, որին տատիկը անտառն ա շպրտում: Բայց հետո ամեն ինչ լավ ա վերջանում:
Կուզենայի իսկական, մեծ ծառ ջրաներկով ներկեի: Ճյուղերը կանաչ գույնի կլինեին, իսկ տերեւները՝ նարնջագույն:
Քույրիկս 7 տարեկան ա: Չենք կռվում, որովհետեւ նա իմ ասածները չի անում, բայց ես նրա բոլոր ասածներն անում եմ:
Ես ուզում եմ միշտ ծովում լողանալ: Դրա համար եմ անընդհատ ծով նկարում:
Իմ սենյակում ծովի նկար է կախած՝ եղբորս պապիկն ա նկարել: Ինքը նկարիչ ա: Եթե տիեզերագնաց չդառնամ՝ ես էլ նրա պես նկարիչ կլինեմ:
Գրի առավ Աննա Բուբուշյանը
Լուսանկարեց Էմին Արիստակեսյանը
Շնորհակալություն ենք հայտնում «Հրաշք մանկիկ» մանկապարտեզի տնօրինությանը՝ նախագծին աջակցելու համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: