Մեդիամաքս-ը շարունակում է «Մանկաբառ» հատուկ նախագիծը, որում գրի ենք առնում երեխաների հետաքրքիր մտքերը:
***
Նանե, 4 տարեկան. Երբ մեծանա,ուզում է դառնալ վիրաբույժ, եթե չստացվի՝ ատամնաբույժ
Իմ սիրած հեքիաթը «Վախկոտ Նազարն» ա: Հովհաննես Թումանյանն ա գրել:
Ամենաշատը սիրում եմ «աման-չամաններով» զբաղվել: Ճաշ եմ եփում՝ թղթից ու ջրից, հետո էլ տատիկիս ու տիկնիկներիս կերակրում եմ:
Ամառում շոգ ա, դրա համար ամառ շատ եմ սիրում:
Կուզենայի վարդագույն կոշիկներ ունենայի, վրան էլ`թիթեռներ:
Ես հարսի շոր ունեմ՝ հանդեսներին եմ հագնում:
Անձրեւ եմ սիրում, սիրուն ա, երբ կաթիլ-կաթիլ գալիս ա ու գետնին նկարում ա:
Ապերիկիս հետ երբ իրար ծեծում ենք՝ շատ վատ ա:
Կարմիր «պոմադա» եմ սիրում, մեկ-մեկ մաման թողնում ա, որ քսեմ:
Մազերս շատ դժվար ա սանրվում, լողանալուց հետո ենք սանրում, բայց ես էդ ժամանակ «ճվճվոցս» գցում եմ:
Տղաների հետ ընկերություն չեմ անում՝ աղջիկ չեն, որ իրանց հետ ընկերություն անեմ:
Իմ ամուսինը մեր մանկապարտեզից չի լինելու:
Գարունը չեմ սիրում, որովհետեւ իրա պատճառով ամառը շուտ չի գալիս:
Արդեն հոգնեցի խոսալուց:
Գրի առավ Աննա Բուբուշյանը
Լուսանկարեց Էմին Արիստակեսյանը
Շնորհակալություն ենք հայտնում Աշտարակի «Մանուշակ» մանկապարտեզին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: