Երեւան: Մեդիամաքս: Անալոգային հեռարձակումից թվայինի անցումը կերկարաձգվի 6 ամսով:
ՀՀ կառավարությունն այսօր հավանություն է տվել «Հեռուստատեսության եւ ռադիոյի մասին» օրենքում փոփոխություններ կատարելու օրենքի նախագծին, որով նախատեսվում է հետաձգումը:
Ժամկետի երկարաձգումը հնարավորություն կտա հստակեցնել համակարգի ներդրման սոցիալական ծրագրի մոտեցումները եւ ավելի սահուն անցում կատարել թվային հեռարձակմանը:
ՀՀ տրանսպորտի եւ կապի նախարարությունը կառուցել է թվային հեռուստահեռարձակման ցանցի 90 տոկոսը: Ցանցն ամբողջությամբ պատրաստ կլինի մինչեւ հուլիսի 1-ը:
Թվայնացումից հետո Երեւանում եւ մերձակա բնակավայրերում կհեռարձակվի թվային 18, իսկ մարզերում՝ 9 հեռուստաալիք:
Ծրագրի ամբողջական արժեքը 6 մլրդ 922 մլն դրամ է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: