Շորթման կասկածանքով ձերբակալվել են ԶԼՄ ներկայացուցիչներ - Mediamax.am

127234 դիտում

Շորթման կասկածանքով ձերբակալվել են ԶԼՄ ներկայացուցիչներ


Լուսանկարը` http://www.nrttv.com


Երեւան: Մեդիամաքս: ՀՀ ԱԺ պատգամավորներից մեկը մայիսի 2-ին ոստիկանությունում հաղորդում է տվել, որ Analitik.am լրատվական կայքի տնօրենը կայքում պարբերաբար իր անձի, ընտանիքի անդամների, ինչպես նաեւ իր` որպես ԱԺ պատգամավորի գործունեությանը վերաբերող սուտ տեղեկատվություններ, զրպարտություններ եւ վարկաբեկիչ այլ նյութեր հրապարակելու կապակցությամբ հանդիպումներ է ունեցել իր հետ, որոնց ընթացքում իրենից պահանջել է յուրաքանչյուր ամիս վճարել 300 000 դրամ:

Ոստիկանության տարածած հաղորդագրության համաձայն՝ գումարը պահանջելիս կայքի տնօրենը վկայակոչել է իրենց նախկին հրապարակումները եւ սպառնացել շարունակել դրանք եւ հետագայում նմանատիպ հոդվածներ կրկին հրապարակել:

 

Կայքի տնօրենի ներկայացրած պահանջի կապակցությամբ պատգամավորի անունից բանակցություններ է վարել նրա ներկայացուցիչը:

 

Բանակցությունների ընթացքում նրանց միջեւ պայմանավորվածություն է ձեռք բերվել, որ պահանջվող 300 000-ական դրամը, նախապես պայմանավորված որեւէ վայրում, մինչեւ յուրաքանչյուր ամսվա 5-ը պետք է վճարվի կամ կայքի տնօրենին, կամ նրա օգնականին:

 

Մայիսի 3-ին՝ ժամը 15-ի սահմաններում, Երեւան քաղաքի Նալբանդյան փողոցում գործող սրճարաններից մեկում, շորթման առարկա հանդիսացող 300 000 դրամ գումարը վերցնելուց հետո փաստով կայքի տնօրենի օգնական, ինքը եւ մամուլի ակումբի ղեկավարը բռնվել եւ բերման է ենթարկվել ոստիկանություն:

 

Հայտնաբերվել եւ բերման է ենթարկվել նաեւ կայքի տնօրենը:

 

Նրանք ձերբակալված են: Կատարվում է քննություն:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին