92233 դիտում

«Արձագանք» ռադիոկայանը կդառնա YES FM


Լուսանկարը` Մեդիամաքս


Երեւան: Մեդիամաքս: «Արձագանք» ռադիոկայանը հաստատել է զարգացման նոր հայեցակարգ, ձեւաչափը ուղղելով դեպի երիտասարդ լսարանը եւ ակտիվ կենսակերպով ապրող մարդկանց:

Հայեցակարգի համաձայն, փոփոխվելու է ռադիոկայանի բրենդը՝ նոր անվանումն է «YES FM»:

Երաժշտական եթերը երկու ձեւաչափերի խառնուրդ է լինելու՝ CHR (Contemporary Hit Radio) ու АС (Adult Contemporary)՝ նախատեսված 16 -46 տարեկան լսարանի համար:

«Մեր նպատակն է ստեղծել ինտերակտիվ երիտասարդական մեդիատարածք, որը կմիավորի ռադիոյի, հեռուստատեսության, կայքի եւ սոցիալական ցանցերի հնարավորությունները: Գլխավորը, որ ռադիոն հնարավոր կլինի ոչ միայն ունկնդրել, այլեւ դիտել՝ live ֆորմատով համացանցում եւ «21 TV» հեռուստաալիքով», - ասել է «ՄԿՌ մեդիա Արմենիա» ընկերությունների խմբի գործադիր տնօրեն Տիգրան Հակոբյանը:

«Արձագանք» անկախ ռադիոկայանը սկսել է գործել Երեւանում 1997 թ. մայիսի 12-ին,  103.5 FM հաճախականության վրա: 2014 թ. այն ընդգրկված է «ՄԿՌ մեդիա Արմենիա» հոլդինգի կազմում:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am