66512 դիտում

Մեկնարկում է «Թվապատում 2017» մեդիա կոնֆերանսը



Երեւան: Մեդիամաքս: Հունիսի 16-17-ին Մեդիա նախաձեռնությունների կենտրոնը հրավիրում է հայաստանյան մեդիա համայնքի ներկայացուցիչներին՝ մասնակցելու «Թվապատում 2017» մեդիա կոնֆերանսին:

Թվով չորրորդ Թվապատման առանցքային թեման մեդիա մենեջմենթն է. մեդիայի փոփոխվող դիմագիծն ու գործառույթները, մոնետիզացիայի նոր միջոցները, ժամանակակից մեդիա հարթակների ձեւավորման ու բրենդավորման արդյունավետ եղանակները, լրատվամիջոց-սոցիալական մեդիա համակեցությունը:

«Թվապատում 2017»-ին հյուրընկալվող 6 միջազգային եւ 6 տեղացի բանախոսների օգնությամբ մասնակիցները հնարավորություն կունենան բացահայտել մեդիայի հաջողության գաղտնիքները թվային միջավայրում:

Կոնֆերանսը բաց է հայաստանյան մեդիադաշտի բոլոր ներկայացուցիչների համար՝ մեդիա մենեջերներ, խմբագիրներ, լրագրողներ, ֆոտոլրագրողներ, օպերատորներ, ուսանողներ:

Մասնակցությունն անվճար է:

Երկօրյա հանդիպումները կանցկացվեն ժամը 10:00-17:00-ին ISTC կենտրոնում (ԵՊՀ 7-րդ մասնաշենք, 6-րդ հարկ):

Կոնֆերանսի աշխատանքային լեզուներն են հայերենը, անգլերենը, ռուսերենը: Կապահովվի թարգմանություն:

«Թվապատում 2017» կոնֆերանսի բանախոսներին, թեմաներին ու օրակարգին կարող եք ծանոթանալ http://conference.tvapatum.mediainitiatives.am/ հղումով:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին
banks.am
itel.am
sport
bravo.am